ក្នុងគោលបំណងរួមចំណែកជួយដល់កុមារកម្ពុជា និង បង្កើតបរិយាកាសរីករាយក្នុងសកម្មភាពសង្គមសម្រាប់សាធារណជន ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ ក្រោមកិច្ចសហការជាមួយ ក្រុមហ៊ុនវិនិយោគទុនអណិកជនកម្ពុជា (OCIC) នឹងរៀបចំព្រឹត្តិការណ៍ជិះកង់ដ៏អស្ចារ្យប្រចាំឆ្នាំដែលហៅថា Family Fun Bike។ កម្មវិធីនេះ នឹងត្រូវរៀបចំឡើងជាពិសេសប្រចាំឆ្នាំ ដែលអ្នកចូលរួមនឹងទទួលបានភាពសប្បាយរីករាយ និងអនុស្សាវរីយដ៏ល្អក្នុងកិច្ចការសង្គមជាមួយនឹងក្រុមគ្រួសារ និងមនុស្សជាទីស្រលាញ់។
កម្មវិធីនេះនឹងប្រព្រឹត្តិទៅនៅថ្ងៃអាទិត្យ ទី១៦ ខែតុលា ឆ្នាំ២០២២ ខាងមុខនេះ នៅទីតាំង Sakura Avenue ក្នុងទីក្រុងរណបជ្រោយចង្វារ រាជធានីភ្នំពេញ ចាប់ផ្តើមម៉ោង ៥:៣០នាទីព្រឹក ដល់ ៨:៣០នាទីព្រឹក ជាមួយចម្ងាយជិះកង់ ១០គម ២០គម និង ៣០គម។ ចុចមើលផែនទីតាមរយៈតំណភ្ជាប់៖ https://bit.ly/3qaJL5N។
សម្រាប់លក្ខខណ្ឌចូលរួម គឺមានលក្ខណៈងាយស្រួល ដោយលោកអ្នកគ្រាន់តែ៖
១. ចុះឈ្មោះចូលរួមតាមដំណរភ្ជាប់នេះ សូមចុចចុះឈ្មោះត្រង់នេះ https://bit.ly/ffbreg ជាបុគ្គល ឬជាក្រុម ឬ អាចបរិច្ចាគបន្ថែមពីការចុះឈ្មោះ ចាប់ផ្តើមពី ១០ដុល្លារឡើងទៅ។
២. តម្លៃចុះឈ្មោះក្នុងម្នាក់គឺ ១០ដុល្លារ។
៣. កុមារអាយុ ១០ឆ្នាំ និងក្រោម ១០ឆ្នាំ អាចចូលរួមបានដោយឥតគិតថ្លៃ។
៤. អ្នកចុះឈ្មោះទាំងអស់នឹងទទួលបានអាវយឺត ចំនួន ០១ ពីកម្មវិធី ។
រាល់ការចូលរួមចុះឈ្មោះរបស់សាធារណជន និងការបរិច្ចាគ គឺពិតជាមានសារៈសំខាន់ ដែលជាចំណែកដ៏ចម្បងដើម្បីបង្កើតស្នាមញញឹម ក៏ដូចជាក្តីសង្ឃឹមជូនដល់កុមារដែលកំពុងត្រូវការជំនួយបន្ថែមពិតប្រាកដ។ ក្រុមការងារនឹងនាំយកថវិកាបរិច្ចាគដែលទទួលបានពីកម្មវិធី ទៅឧបត្ថម្ភដល់អង្គការគាំពារកុមារនៅក្នុងខេត្តបាត់ដំបង សៀមរាប និងខេត្តកណ្តាល នៅក្រោយពេលព្រឹត្តិការណ៍នេះបញ្ចប់។
សូមសារធារណជនជ្រាបជាព័ត៌មាន និងអាចចូលរួមចុះឈ្មោះក្នុងព្រឹត្តិការណ៍ដ៏ពិសេសប្រចាំឆ្នាំ ចាប់ពីថ្ងៃនេះ ដល់ថ្ងៃទី៣០ ខែកញ្ញា ឆ្នាំ២០២២៕
អំពីក្រុមហ៊ុន៖
ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ ភីអិលស៊ី គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន កាណាឌីយ៉ាអ៊ិនវេសមេន ហូលឌីងដែលមានទ្រព្យសម្បត្តិសរុបជាង ៧ ពាន់លានដុល្លារអាមេរិក និងជាកេរ្តិ៍ដំណែលតាំងពីឆ្នាំ ១៩៩១។ ក្រុមហ៊ុន សុវណ្ណាភូមិ ឡាយហ្វ៍ ជាក្រុមហ៊ុនដែលមានមូលដ្ឋានហិរញ្ញវត្ថុរឹងមាំ និងជាទីទុកចិត្ត ព្រមទាំងទទួលបានពានរង្វាន់ ៤ ឆ្នាំជាប់គ្នាជាក្រុមហ៊ុនធានារ៉ាប់រងអាយុជីវិតរីកចម្រើនលឿនបំផុតនៅកម្ពុជាក្នុងឆ្នាំ ២០១៨,២០១៩, ២០២០ និង ២០២១ ផ្តល់ដោយក្រុមហ៊ុន The Global Banking and Finance Review ដែលមានទីស្នាក់ការកណ្តាលនៅទីក្រុងឡុងដ៍ នៃចក្រភពអង់គ្លេស និងពានរង្វាន់ក្រុមហ៊ុនធានារ៉ាប់រងអាយុជីវិតដែលមានភាពច្នៃប្រឌិតជាងគេនៅកម្ពុជាឆ្នាំ ២០២១ ផ្តល់ដោយស្ថាប័ន International Business Magazine ដែលមានទីស្នាក់ការនៅសហព័ន្ធអារ៉ាប់រួម។ សុវណ្ណាភូមិ ឡាយហ្វ៍ ជាក្រុមហ៊ុនធានារ៉ាប់រងអាយុជីវិតឈានមុខគេមួយក្នុងការផ្តល់ការការពារផ្នែកហិរញ្ញវត្ថុដល់គ្រួសារកម្ពុជា ហើយនាពេលបច្ចុប្បន្នកំពុងផ្តល់ការការពារហិរញ្ញវត្ថុដល់អតិថិជនជាង ១៧ ម៉ឺននាក់នៅទូទាំងប្រទេស។
អំពីទីក្រុងជ្រោយចង្វារ៖
គឺជាទីក្រុងរណបធំជាងគេដែលត្រូវបានអភិវឌ្ឍដោយក្រុមហ៊ុនវិនិយោគទុនអណិកជនកម្ពុជា (OCIC) ក្នុងទំហំផ្ទៃដីប្រមាណ ៣៨៧ ហិចតា។ ទីក្រុងនេះត្រូវបានអមដោយទន្លេសាប និងទន្លេមេគង្គ និងបានក្លាយជាទីតាំងដ៏អស្ចារ្យទាក់ទាញការវិនិយោគ សកម្មភាពពាណិជ្ជកម្ម និងលំនៅឋានជាច្រើន។
