កាកបាទក្រហមកម្ពុជា និង ស៊ី.អរ.ស៊ី. ប្រចាំតំបន់ ចុះហត្ថលេខាកិច្ចព្រមព្រៀងផ្តល់ហិរញ្ញប្បទានថវិកាឆ្នាំ ២០២៣

ភ្នំំពេញ ប៉ុស្តិ៍
03 February 2023 | 15:31 ICT

ភ្នំពេញៈ លោកស្រី ពុំ ចន្ទីនី អគ្គលេខាធិការកាកបាទក្រហមកម្ពុជា និងលោកស្រី ឌីណា ហ្វីស៊ើរ ប្រធានបេសកកម្ម គណៈកម្មាធិការអន្តរជាតិនៃកាកបាទក្រហម អាយ.ស៊ី.អរ.ស៊ី. ប្រចាំតំបន់ (កម្ពុជា ឡាវ និងវៀតណាម) បានជួបពិភាក្សានាថ្ងៃទី២ខែកុម្ភៈ ដើម្បីបន្តពង្រឹងកិច្ចសហប្រតិបត្តិការល្អ និងចុះហត្ថលេខាកិច្ចព្រមព្រៀងផ្តល់ហិរញ្ញប្បទានថវិកាឆ្នាំ ២០២៣ នៅទីស្នាក់ការកណ្តាលកាកបាទក្រហមកម្ពុជា។

អាយ.ស៊ី.អរ.ស៊ី.តែងតែឧបត្ថម្ភគាំទ្រដល់សកម្មភាពកាកបាទក្រហមកម្ពុជា និងកិច្ចសហប្រតិបត្តិការល្អ ក្នុងគ្រប់ស្ថានភាពនយោបាយ ជាពិសេស ចាប់តាំងពីក្រោយថ្ងៃរំដោះ ៧ មករា ១៩៧៩ និងជួយបច្ចេកទេសពង្រឹងការអនុវត្តច្បាប់មនុស្សធម៌អន្តរជាតិ ការអនុវត្តកម្មវិធីជាក់លាក់ ព្រមទាំងមានផែនការប្រចាំឆ្នាំ។ ក្នុងនោះមានដូចជា៖ ផ្សព្វផ្សាយលើកកម្ពស់គោលការណ៍គ្រឹះ សួរសុខទុក្ខអ្នកទោស ស្តារទំនាក់ទំនងគ្រួសារជាដើម។ នេះបើយោងតាមកាកបាទក្រហមកម្ពុជា។

ដោយឡែកនៅឆ្នាំ ២០២៣ នេះ ក្នុងកិច្ចព្រមព្រៀងជំនួយហិរញ្ញវត្ថុនេះ អាយ.ស៊ី.អរ.ស៊ី បានផ្តល់ថវិកាចំនួន ៨៦ ២៨៨.០០ ដុល្លារអាមេរិក សម្រាប់អនុវត្តកម្មវិធីជាក់លាក់ទៅតាមផែនការដែលបានកសាងរួមគ្នា ដោយផ្តោតលើ ការងារស្តារទំនាក់ទំនងគ្រួសារ ការការពារបដិរូប លើកកម្ពស់គោលការណ៍គ្រឹះ ច្បាប់មនុស្សធម៌អន្តរជាតិ សុវត្ថិភាពសហគមន៍ និងពិការភាព និងចុងក្រោយគឺបន្តតាមដានការរីកចម្រើននៃការអនុវត្តក្របខ័ណ្ឌបំពេញការងារប្រកបដោយសុវត្ថិភាព។

លោកស្រីអគ្គលេខាធិការបានបញ្ជាក់ថា ការពិភាក្សាថ្ងៃនេះដែរ ភាគីទាំងពីរមានការផ្តោតទៅលើខ្លឹមសារមួយនៅក្នុងបរិបទតំបន់ និងពិភពលោក គឺការប្រែប្រួលអាកាសធាតុ ដែលជាបញ្ហាមួយកំពុងតែប្រឈមជាសកល ហើយភាគីទាំងពីរនិងបន្តផ្លាស់ប្តូរ ទំនាក់ទំនងព័ត៌មានឱ្យគ្នាទៅវិញទៅមក ដើម្បីតាមដានក្នុងការវិវត្តន៍ការងារឱ្យកាន់តែជិតស្និទ្ធ ហើយនៅក្នុងបរិបទជំងឺកូវីដ ១៩ កិច្ចសហប្រតិបត្តិការមួយចំនួនមិនបានអនុវត្តតាមផែនការគ្រោងទុក។ ដូច្នេះក្នុងកិច្ចពិភាក្សានេះដែរ កាកបាទក្រហមកម្ពុជា បានស្នើសុំ អាយ.ស៊ី.អរ.ស៊ី. គិតគូរឡើងវិញឱ្យមានសកម្មភាពឡើងវិញនៅឆ្នាំ ២០២៤ និងឆ្នាំក្រោយៗទៀត៕

កាកបាទក្រហមកម្ពុជា និង ស៊ី.អរ.ស៊ី. ប្រចាំតំបន់ ចុះហត្ថលេខាកិច្ចព្រមព្រៀងផ្តល់ហិរញ្ញប្បទានថវិកាឆ្នាំ ២០២៣

អត្ថបទគួរចាប់អារម្មណ៍

អំបិលកំពត-កែប នឹងក្លាយជាផលិតផល GI នាខែក្រោយ

ប.ស.ស. ដាក់ឱ្យសាកល្បងផ្នែកថែទាំសុខភាពសម្រាប់បុគ្គលស្វ័យនិយោជន៍

ចាប់ពីថ្ងៃទី ២៩ មីនា ដល់ថ្ងៃទី ៤ មេសា នៅតំបន់ខ្លះ នឹងមានភ្លៀងកក់ខែ

អ្នករដ្ឋការអាមេរិកយ៉ាងហោច ៥០ នាក់ រងការវាយប្រហារដោយ spyware តាមអ៊ីនធឺណិត

លោក អ៊ុំ រាត្រី៖ កសិកម្មជាវិស័យអាទិភាពនៅបន្ទាយមានជ័យ

វ៉ាក់សាំង Pfizer ជិត ៥ សែនដូស ដែលទើបមកដល់ នឹងបែងចែកតាមគោលដៅកម្មវិធីចាក់វ៉ាក់សាំង

ព័ត៌មានថ្មីៗ

អភិបាលខេត្តបន្ទាយមានជ័យ នឹងបើកយុទ្ធនាការចែកដី ៣ ពាន់ហិកតាជូនពលរដ្ឋ

អំបិលកំពត-កែប នឹងក្លាយជាផលិតផល GI នាខែក្រោយ

លោក ហ៊ុន សែន៖ កម្ពុជាមានសុខដុមភាពណាស់ខាងសាសនា

មេដឹកនាំយោធាមីយ៉ាន់ម៉ា អំពាវនាវឱ្យចាត់វិធានការម៊ុឹងម៉ាត់លើអ្នកប្រឆាំងនឹងខ្លួន

ប.ស.ស. ដាក់ឱ្យសាកល្បងផ្នែកថែទាំសុខភាពសម្រាប់បុគ្គលស្វ័យនិយោជន៍

លោកស្រី ឃួន សុដារី៖ ដំណើរទស្សនកិច្ចមន្ត្រីចិនមកកម្ពុជា បន្តពូនជ្រំលើកកម្ពស់ទំនាក់ទំនង «មិត្តដែកថែប»

ចាប់ពីថ្ងៃទី ២៩ មីនា ដល់ថ្ងៃទី ៤ មេសា នៅតំបន់ខ្លះ នឹងមានភ្លៀងកក់ខែ

អ្នករដ្ឋការអាមេរិកយ៉ាងហោច ៥០ នាក់ រងការវាយប្រហារដោយ spyware តាមអ៊ីនធឺណិត

លោក អ៊ុំ រាត្រី៖ កសិកម្មជាវិស័យអាទិភាពនៅបន្ទាយមានជ័យ

ការវិភាគតម្លៃហាងឆេងមាសពីក្រុមហ៊ុន ភីភី លីង ស៊ីឃ្យួរឹធី