កម្ពុជារកឃើញអ្នកវិជ្ជមានមេរោគកូវីដ ១៩ ចំនួន ១០ នាក់បន្ថែមទៀត
ស្ត្រីម្នាក់ត្រូវបានគ្រូពេទ្យធ្វើតេស្តរកមេរោគកូវីដ ១៩ នាពេលកន្លងទៅ។ រូបថត ហេង ជីវ័ន
ភ្នំពេញៈ ក្រសួងសុខាភិបាលបានប្រកាសរកឃើញករណីឆ្លងមេរោគកូវីដ ១៩ ចំនួន ១០ នាក់បន្ថែមទៀត។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ ១៩ សម្រាប់ថ្ងៃទី ២៥ ខែឧសភា កម្ពុជាបានរកឃើញករណីឆ្លងមេរោគកូវីដ ១៩ ក្នុងសហគមន៍ចំនួន ១០ នាក់ ប៉ុន្ដែមិនមានអ្នកជាសះស្បើយពីជំងឺនេះនោះទេ។
គិតត្រឹមព្រឹកថ្ងៃទី ២៦ ខែឧសភា កម្ពុជាមានអត្រាឆ្លងមេរោគកូវីដ ១៩ សរុបចំនួន ១៣៨ ៧៦០ នាក់ អ្នកជាសះស្បើយសរុបចំនួន ១៣៥ ៦៨០ នាក់ និងអ្នកស្លាប់ចំនួន ៣ ០៥៦ នាក់៕
