រូបថត រដ្ឋបាលរាជធានីភ្នំពេញ
ភ្នំពេញៈ នៅក្នុងការប្រណាំងទូកនាថ្ងៃដំបូង ទី ២៦ ខែវិច្ឆិកា ឆ្នាំ ២០២៣ មានទូកសរុបចំនួន ១៦៦ គូ ដែលក្នុងនោះមានផ្នែកទូកអុំ នារីខ្នាតអន្តរជាតិ ទូកអុំបុរសខ្នាតអន្តរជាតិ ទូកអុំបុរស ទូកអុំបុរស គូពិសេស និងផ្នែកទូកចែវ។
ចំពោះចំនួនកីឡាករ កីឡាការិនី ចូលរួមសរុប ២០ ៤១៧ នាក់។ ក្នុងចំនួននេះគឺមានទូកអុំបុរស ១៥៨ ទូក ចែវបុរស ៤២ទូក ទូកខ្នាតអន្តរជាតិបុរស ១៣៤ ទូក (ទូកខ្នាតអន្តរជាតិនារី ២ ទូក) កម្លាំងអុំបុរស ១៦ ៤៨៧ នាក់ (កម្លាំងអុំនារី ៨៧នាក់) កម្លាំងត្រៀមបុរស ២ ៧៦៥ នាក់ និងកម្លាំងត្រៀមនារី ៧៨ នាក់។ នេះបើយោងតាមក្រសួងព័ត៌មាន។
នៅក្នុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ឆ្នាំ ២០២៣ រយៈពេល ៣ ថ្ងៃ (ថ្ងៃទី ២៦ ដល់ ២៨)មានទូកទាំងអស់ សរុប ៣៣៨ ទូក។ ថ្ងៃអាទិត្យ ទី ២៦ វិច្ឆិកានេះ ជាថ្ងៃដំបូង នៃព្រះរាជពិធីបុណ្យអុំទូក៕
