ប្រជាពលរដ្ឋច្រើនកុះករចូលរួមពិធីព្រះរាជពិធីបុណ្យអ៊ុំទូកនៅរាជធានីភ្នំពេញ។
ភ្នំពេញៈ គ្រោះថ្នាក់ចរាចរណ៍ផ្លូវគោក ទូទាំងប្រទេសនៅថ្ងៃទី២៧ ខែវិច្ឆិកា ឆ្នាំ ២០២៣ បានកើតឡើងចំនួន ១១លើក បណ្តាលឱ្យមនុស្សស្លាប់ ៣នាក់ (ស្រី ១នាក់), រងរបួសសរុប ១៨នាក់ (ស្រី ១នាក់) ក្នុងនោះ រងរបួសធ្ងន់ ១៣នាក់ (ស្រី ១នាក់) រងរបួសស្រាល ៥នាក់ និងមិនពាក់មួកសុវត្ថិភាព ៨នាក់។ នេះបើយោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ។
របាយការណ៍ដដែលបញ្ជាក់ថា មូលហេតុដែលបង្កឱ្យមានគ្រោះថ្នាក់រួមមាន៖ ការល្មើសល្បឿន ៦លើក (ស្លាប់ ២នាក់) , មិនគោរពសិទ្ធិ ២លើក, មិនប្រកាន់ស្តាំ ១លើក, បត់គ្រោះថ្នាក់ ២លើក (ស្លាប់ ១នាក់)។
អង្គការវមូលនិធិបង្ការរបួស អាស៊ី បានក្រើនរំឭកដល់អ្នកបើកបរលើដងផ្លូវទាំងអស់ ជាពិសេស ក្នុងអំឡុងពេលព្រះរាជពិធីបុណ្យអុំទូកនេះ ត្រូវមានការប្រុងប្រយ័ត្ន ពាក់មួកសុវត្ថិភាពឱ្យបានត្រឹមត្រូវ បើកបរដោយយកចិត្តទុកដាក់ មិនត្រូវល្មើសល្បឿនកំណត់ និងត្រូវរក្សាគម្លាតសុវត្ថិភាពក្នុងការបើកបរឱ្យបានល្អ។
អង្គការនេះបញ្ជាក់ថា៖ «គិតដល់ជីវិតអ្នក និងអ្នកដទៃ កុំបើកបរលើសល្បឿនកំណត់»៕
