ទិដ្ឋភាពភ្ញៀវទេសចរជាតិ និងអន្តរជាតិចូលរួមព្រឹត្តិការណ៍ «សាទរកម្ពុជា» កាលពីថ្ងៃទី ៣១ ខែធ្នូ ឆ្នាំ២០២៤។ រូបថត យូសុះ អាប់ឌុលរ៉ាស់ហ៊ីម
ភ្នំពេញ៖ កម្ពុជាបានស្វាគមន៍ភ្ញៀវទេសចរដ៏ច្រើនអំឡុងពិធីបុណ្យឆ្លងឆ្នាំសកល ២០២៥ ដោយរាជធានីភ្នំពេញក្លាយជាគោលដៅទេសចរណ៍កំពូល ជាមួយកំណត់ត្រាភ្ញៀវជាង ១,៥លាននាក់ក្នុងរយៈពេលពីថ្ងៃទី ៣០-៣១ ខែធ្នូ ឆ្នាំ២០២៤។
កំណើនភ្ញៀវទេសចរនៅរាជធានីនេះ ដោយសារមានការរៀបចំព្រឹត្តិការណ៍ «សាទរកម្ពុជា» ដែលទាក់ទាញមនុស្សរាប់ម៉ឺននាក់មកកាន់បេះដូងនៃរាជធានី។
លោកនាយករដ្ឋមន្ត្រី ហ៊ុន ម៉ាណែត បានឱ្យដឹងក្នុងបណ្ដាញសង្គមរបស់លោកថា ភ្ញៀវទេសចរសរុបចំនួន ៣ ៥៣៥ ៣២៥ នាក់ រួមទាំងភ្ញៀវក្នុងស្រុកចំនួន ៣ ៤៤៤ ០៦៥ នាក់ និងភ្ញៀវអន្តរជាតិចំនួន ៤៧ ២៦០ នាក់ នៅទូទាំងប្រទេស។
តួលេខភ្ញៀវទេសចរនៅក្នុងរាជធានីដោយជោគជ័យនៃ «សាទរកម្ពុជា» ដែលមានក្បួនដង្ហែពហុសិល្បៈ ការសម្ដែងបែបប្រពៃណី ការប្រគំតន្ត្រី និងព្រឹត្ដិការណ៍បាញ់កាំជ្រួចដ៏អស្ចារ្យនៅមុខព្រះបរមរាជវាំង។
ព្រឹត្តិការណ៍នេះមិនត្រឹមតែជាការប្រារឰពិធីបុណ្យឆ្លងឆ្នាំសកលប៉ុណ្ណោះទេ ថែមទាំងជាការបង្ហាញអំពីវប្បធម៌ខ្មែរ លើកតម្កើងកេរ្តិ៍ឈ្មោះរបស់រាជធានីជាមជ្ឈមណ្ឌលទេសចរណ៍ទៀត។
លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) បានសរសេរនៅលើហ្វេសប៊ុកថា៖ «ព្រឹត្តិការណ៍ «សាទរកម្ពុជា» បានប្រព្រឹត្តទៅក្នុងបរិយាកាសសប្បាយរីករាយ ដោយបានបន្សល់ទុកនូវស្នាមញញឹម និងការជួបជុំសាទរជាមហាគ្រួសារខ្មែរ»។
យោងតាមក្រសួងទេសចរណ៍ ព្រឹត្តិការណ៍ «សាទរកម្ពុជា» ដ៏រស់រវើក និងមានការចូលរួមទស្សនា និងលើកទឹកចិត្តដ៏ច្រើនកុះករពីប្រជាពលរដ្ឋជាតិ និងភ្ញៀវអន្តរជាតិ។
ទិដ្ឋភាពទេសចរណ៍ទូទាំងប្រទេសខណៈពេលរាជធានីភ្នំពេញទទួលភ្ញៀវទេសចរនាំមុខគេ បណ្ដាខេត្តផ្សេងទៀតក៏ត្រូវបានរាយការណ៍ពីចំនួនភ្ញៀវយ៉ាងច្រើនផងដែរ។
ខេត្តព្រះសីហនុ បានទាក់ទាញភ្ញៀវទេសចរចំនួន ៤២២ ៨២៩នាក់ មកទស្សនាឆ្នេរដ៏ស្រស់បំព្រង ខណៈខេត្តសៀមរាប និងប្រាសាទអង្គរដែលជានិមិត្តរូបរបស់ខ្លួនទទួលភ្ញៀវបានចំនួន ៣៣៣ ៦៦០នាក់។
ខេត្តបាត់ដំបងដែលល្បីល្បាញខាងសម្បត្តិបេតិកភណ្ឌដ៏សម្បូរបែបបានទាក់ទាញភ្ញៀវទេសចរចំនួន ៣២៤ ៧៦០ នាក់ ហើយខេត្តកំពតទទួលបាន ២២៧ ៩៧៦ នាក់។
ដោយឡែក ខេត្តព្រៃវែង និងខេត្ដក្រចេះ ទទួលភ្ញៀវទេសចរតិចតួចបំផុត ដោយមានភ្ញៀវត្រឹមតែ ២០០០នាក់ប៉ុណ្ណោះ បូកបញ្ចូលគ្នា។
ជាមួយទេសចរជាង ៣,៥ លាននាក់នៅទូទាំងប្រទេស ភ្ញៀវបរទេសចំនួន ៤៧ ២៦០ នាក់ ក្រសួងទេសចរណ៍កំពុងពង្រឹងយុទ្ធនាការផ្សព្វផ្សាយជាសកល។
ទិដ្ឋភាពភ្ញៀវទេសចរជាតិ និងអន្តរជាតិចូលរួមព្រឹត្តិការណ៍ «សាទរកម្ពុជា» កាលពីថ្ងៃទី ៣១ ខែធ្នូ ឆ្នាំ២០២៤។ រូបថត យូសុះ អាប់ឌុលរ៉ាស់ហ៊ីម
កម្ពុជាបានអនុវត្តនូវគំនិតផ្តួចផ្តើមជាបន្តបន្ទាប់ ដើម្បីលើកកម្ពស់ប្រទេសរបស់ខ្លួនជាគោលដៅទេសចរណ៍ពិភពលោក និងសម្រេចគោលដៅស្វាគមន៍ភ្ញៀវទេសចរអន្តរជាតិចំនួន ៥លាននាក់នៅចុងឆ្នាំ ២០២៤។
ចំណុចសំខាន់នៃកិច្ចខិតខំប្រឹងប្រែងនេះគឺយុទ្ធសាស្ត្រ «បង្កើន ៥ និង អភិវឌ្ឍ៣» ដើម្បីលើកកម្ពស់ប្រទេសជាតិលើឆាកអន្តរជាតិ ការចូលរួមក្នុងព្រឹត្តិការណ៍ទេសចរណ៍ពិភពលោក និងធ្វើពិពិធកម្មផ្តលើវិស័យ ទេសចរណ៍ធម្មជាតិ បទពិសោធន៍វប្បធម៌ និងម្ហូបអាហារក្នុងស្រុក។
ការបំពេញបន្ថែមនេះគឺជាវិធីសាស្ត្រ «ភិវឌ្ឍ ៣» ដែលផ្តោតលើការពង្រឹងធនធានមនុស្ស ហេដ្ឋារចនាសម្ព័ន្ធឌីជីថល និងក្របខ័ណ្ឌច្បាប់ ដើម្បីគាំទ្រដល់កំណើនទេសចរណ៍ប្រកបដោយចីរភាព។
ជាមួយគ្នានេះ យុទ្ធនាការ «ទស្សនាសៀមរាប ឆ្នាំ២០២៤ – Visit Siem Reap 2024» បានដាក់ខេត្តសៀមរាបជាមជ្ឈមណ្ឌលទេសចរណ៍លំដាប់កំពូល ដោយប្រើប្រាស់សម្បត្តិប្រវត្តិសាស្ត្រ និងវប្បធម៌ ជាពិសេសប្រាសាទអង្គរវត្ត ដែលជានិមិត្តរូប តាមរយៈព្រឹត្តិការណ៍ និងសកម្មភាពផ្សព្វផ្សាយផ្សេងៗ។
ទិដ្ឋភាពភ្ញៀវទេសចរជាតិ និងអន្តរជាតិចូលរួមព្រឹត្តិការណ៍ «សាទរកម្ពុជា» កាលពីថ្ងៃទី ៣១ ខែធ្នូ ឆ្នាំ២០២៤។ រូបថត យូសុះ អាប់ឌុលរ៉ាស់ហ៊ីម
ការវិនិយោគសំខាន់ៗនៅក្នុងហេដ្ឋារចនាសម្ព័ន្ធ និងការហោះហើរត្រង់ក៏កំពុងដំណើរការផងដែរ ដើម្បីបង្កើនភាពងាយស្រួល និងបទពិសោធន៍របស់អ្នកទស្សនា។
ដោយទទួលស្គាល់ពីភាពចម្រុះនៃប្រភពភ្ញៀវទេសចររបស់ខ្លួន កម្ពុជាក៏បានកំណត់គោលដៅទីផ្សារទេសចរណ៍មូស្លីមជាមួយនឹងគំនិតផ្តួចផ្តើមដែលខិតខំប្រឹងប្រែងដូចជា ការបង្កើតកន្លែងលក់អាហារហាឡាល និងការជំរុញភាពជាដៃគូជាមួយបណ្តាប្រទេសឥស្លាម។
សហគ្រាសអង្គរ បានរាយការណ៍អំពីស្ថិតិគួរឱ្យកត់សម្គាល់សម្រាប់ខែធ្នូ ឆ្នាំ ២០២៤ ជាមួយតួលេខភ្ញៀវទេសចរបរទេសចំនួន ១២៥ ៣៤៩ នាក់បានទិញសំបុត្រចូលទស្សនាប្រាសាទអង្គរវត្ត ដែលឆ្លុះបញ្ចាំងពីការកើនឡើង ២៧,៨១ភាគរយ បើធៀបនឹងខែធ្នូ ឆ្នាំ ២០២៣។
របាយការណ៍ពីគ្រឹះស្ថានអង្គរបានឱ្យដឹងថា៖ «ការលក់សំបុត្ររកចំណូលបាន ៥ ៩១៨ ១៤៨ ដុល្លារ កើនឡើង ២៧,២១ ភាគរយធៀបនឹងឆ្នាំមុន»។
លើសពីនេះ ការរួមចំណែករបស់គ្រឹះស្ថានអង្គរ ប្រចាំខែសរុបចំនួន ២៥០,៦៩៨ ដុល្លារ ត្រូវបានផ្ដល់ជូន មូលនិធិគន្ធបុប្ផាកម្ពុ ដែលគាំទ្រដល់គំនិតផ្តួចផ្តើមផ្នែកថែទាំសុខភាពសំខាន់ៗ។
ពេញមួយឆ្នាំ ២០២៤ ប្រាសាទអង្គរវត្តបានស្វាគមន៍ភ្ញៀវទេសចរបរទេសចំនួន ១ ០២៣ ៦៤៤នាក់ កើនឡើង ២៨,២៧ភាគរយ ធៀបនឹងឆ្នាំ២០២៣។
ប្រាក់ចំណូលសរុបសម្រាប់ឆ្នាំនេះឈានដល់ ៤៧ ៨២៦ ៩៨១ ដុល្លារអាមេរិក ដោយថវិកា ២ ០៤៧ ៣៧៦ ដុល្លារ ត្រូវបានបែងចែកទៅឱ្យមូលនិធិគន្ធបុប្ផា។
នៅប្រាសាទកោះកេរ្តិ៍ ការលក់សំបុត្រក្នុងខែធ្នូ ឆ្នាំ២០២៤ មានចំនួន ៥០៣១០ ដុល្លារ ពីភ្ញៀវ ៣៣៥៤ នាក់ ខណៈចំណូលសរុបសម្រាប់ឆ្នាំឡើងដល់ ៣២៩០២៥ ដុល្លារ ពីភ្ញៀវចំនួន ២១ ៩៣៥ នាក់។
ទិដ្ឋភាពភ្ញៀវទេសចរជាតិ និងអន្តរជាតិចូលរួមព្រឹត្តិការណ៍ «សាទរកម្ពុជា» កាលពីថ្ងៃទី ៣១ ខែធ្នូ ឆ្នាំ២០២៤។ រូបថត យូសុះ អាប់ឌុលរ៉ាស់ហ៊ីម
ទន្ទឹមនឹងនេះ កំពង់ផែចុងឃ្នាសបានកត់ត្រាប្រាក់ចំណូលសំបុត្រទូកចំនួន ៩៤៣៤៤ ដុល្លារ ក្នុងខែធ្នូ ឆ្នាំ ២០២៤ ដោយមានទូកចំនួន ៣២០៣ គ្រឿង (តូច ២១០៤ មធ្យម ៩៥១ និងធំ ១៤៨ គ្រឿង) ផ្ដល់សេវាកម្មដឹកភ្ញៀវទេសចរណ៍។
ប្រាក់ចំណូលប្រចាំឆ្នាំពីការលក់សំបុត្រទូកមានចំនួនសរុប ៧៩៤ ៣៤៨ ដុល្លារ ដែលមានទូកចំនួន ២៨ ៨៧១ គ្រឿងបម្រើភ្ញៀវពេញមួយឆ្នាំ៕
