ផ្អែកលើរូបមន្តពីកាសែត The New York Times និង Newsweek តួលេខ ៩៧ភាគរយ មិនមែនជាអត្រាពន្ធគយដែលកម្ពុជាដាក់ទៅលើទំនិញនាំចូលពីអាមេរិកទេ។ វាគ្រាន់តែជាភាគរយនៃឱនភាពពាណិជ្ជកម្មរបស់សហរដ្ឋអាមេរិកជាមួយកម្ពុជា ចែកជាមួយទំហំនាំចេញរបស់កម្ពុជាទៅអាមេរិក។
នេះជារូបមន្តដែលត្រូវបានពន្យល់សម្រាប់ការកំណត់ពន្ធគយរបស់រដ្ឋបាលសហរដ្ឋអាមេរិក៖
អត្រាពន្ធ = (ឱនភាពពាណិជ្ជកម្ម / ការនាំចេញទៅសហរដ្ឋអាមេរិក) × ១០០%
ឧទាហរណ៍ នៅឆ្នាំ២០២៤ កម្ពុជានាំចេញទៅអាមេរិកក្នុងទំហំ ៩,៩ពាន់លានដុល្លារ ហើយនាំចូលពីអាមេរិកមានទំហំ ០,២៦ពាន់លានដុល្លារ។ ដូច្នេះ ឱនភាពពាណិជ្ជកម្ម គឺ ៩,៦៤ ពាន់លានដុល្លារ ពោលគឺ យកទំហំនាំចេញ ៩,៩ ពាន់លានដុល្លារ ដកនឹង ទំហំនាំចូល ០,២៦ពាន់លានដុល្លារ។
ដើម្បីរកអត្រាពន្ធថ្មី គឺ (ឱនភាពពាណិជ្ជកម្ម ៩,៦៤ ពាន់លាន ចែកនឹង ការនាំចេញទៅសហរដ្ឋអាមេរិក ៩,៩ពាន់លានដុល្លារ) X ១០០% = ៩៧,៥ ភាគរយ
ដោយសារលោកត្រាំ ចាត់ទុកថាជា ការបន្ធួរបន្ថយពាក់កណ្ដាល ដូចនេះ អត្រាពន្ធគយថ្មី ដែលសហរដ្ឋអាមេរិកកំណត់ គឺពាក់កណ្ដាលនៃចំនួននេះ។
៩៧,៥% ចែកនឹង ២ គឺស្មើ ៤៩ភាគរយ (៤៨,៨ភាគរយ)។
ដូច្នេះ តួលេខ ៩៧ ភាគរយ មិនមែនជាអត្រាពន្ធគយមធ្យមដែលកម្ពុជាយកសម្រាប់ទំនិញពី អាមេរិក ប៉ុន្តែ អាមេរិកនឹងយកពន្ធគយទំនិញកម្ពុជា ៤៩ភាគរយ ប្រសិនបើគ្មានការចរចា៕
