ជនសង្ស័យទាំង ៣នាក់ អាយុពី ១៥ ទៅ ១៨ឆ្នាំ ត្រូវបានចាប់ខ្លួនពាក់ព័ន្ធករណីចាប់រំលោភ សម្លាប់ និងប្លន់ទៅក្មេងស្រីអាយុ ១៥ ឆ្នាំ នៅបន្ទប់ទឹកក្នុងសាលាបឋមសិក្សាវត្តគ្រួស ស្ថិតក្នុងភូមិគ្រួស សង្កាត់សំរោង ខណ្ឌព្រែកព្នៅ។ រូបថត ស្នងការរាជធានីភ្នំពេញ
ភ្នំពេញ៖ អាជ្ញាធរបានចាប់ខ្លួនជនសង្ស័យបីនាក់បានយ៉ាងឆាប់រហ័សកាលពីថ្ងៃទី ២១ ខែឧសភា បន្ទាប់ពីមានករណីឃោរឃៅមួយពាក់ព័ន្ធករណីចាប់រំលោភ សម្លាប់ និងប្លន់លើក្មេងស្រីអាយុ ១៥ ឆ្នាំ ដែលបានកើតឡើងក្នុងបន្ទប់ទឹកនៅសាលាបឋមសិក្សាវត្តគ្រួស ស្ថិតក្នុងភូមិគ្រួស សង្កាត់សំរោង ខណ្ឌព្រែកព្នៅ។
ការរកឃើញសាកសពត្រូវបានរាយការណ៍ទៅប៉ូលិស និងអង្គភាពការពារកុមារ (CPU)។
អង្គភាពការពារកុមារ (CPU) និងមន្ត្រីមូលដ្ឋានបានធ្វើការពិនិត្យកន្លែងកើតហេតុយ៉ាងម៉ត់ចត់ និងបានធ្វើការស៊ើបអង្កេតក្រោយការធ្វើកោសល្យវិច័យ ដើម្បីកំណត់វិសាលភាពពេញលេញនៃអ្វីដែលបានកើតឡើងក្នុងអំឡុងពេលករណីឃាតកម្មដ៏ឃោរឃៅ។
.jpg)
យោងតាម CPU បានឱ្យដឹងថា៖ «ក្រុមការងារស៊ើបអង្កេតឈានដល់ការកំណត់មូលហេតុនៃការស្លាប់ ថែមទាំងទិដ្ឋភាពសកម្មភាពដែលបានកើតឡើងទៅលើកុមាររងគ្រោះនៅពេលវេលាកើតហេតុ។ សមត្ថកិច្ចបានយកចម្លើយបំភ្លឺពីសាក្សីជាច្រើននាក់ ហើយឈានដល់ការកំណត់អត្តសញ្ញាណជនសង្ស័យពីរនាក់ ដែលត្រូវបានឃាត់ខ្លួនត្រឹមប៉ុន្មានម៉ោងក្រោយ»។
ជនសង្ស័យត្រូវបានសាកសួរ និងបានឆ្លើយសារភាពពីបទល្មើសព្រមទាំងជាប់ពាក់ព័ន្ធនឹងជនសង្ស័យទី៣។ ការសារភាពរបស់ជនសង្ស័យបញ្ជាក់ពីវត្ថុតាងដែលរកឃើញលើសព និងនៅកន្លែងកើតហេតុ។
ការតាមប្រមាញ់ជនសង្ស័យទី៣បានចាប់ផ្តើមភ្លាមៗ។ ប៉ុន្មានម៉ោងក្រោយមក ជនសង្ស័យទី៣ ត្រូវបានសមត្ថកិច្ចឃាត់ខ្លួន។
អ្នកនាំពាក្យស្នងការនគរបាលរាជធានីភ្នំពេញ លោក សំ វិច្ឆិកា បានឱ្យដឹងថា យុវជន សុខ ច័ន្ទសុវណ្ណសេង ភេទ អាយុ១៨ឆ្នាំ គ្មានមុខរបរពិតប្រាកដ ធ្លាប់ស្គាល់គ្នាជាអ្នកជិតខាង ក្នុងភូមិដួង សង្កាត់ព្រែកព្នៅ ខណ្ឌព្រែកព្នៅ។
លោកបានថ្លែងតាមខ្សែអាត់សំឡេងថា៖ «ជនសង្ស័យ ច័ន្ទសុវណ្ណសេង បានទាក់ទងកុមារីរងគ្រោះ និងបានដាក់ថ្នាំងងុយដេកក្នុងភេសជ្ជៈរំលោភសេពសន្ថវៈ និងសម្លាប់ក្នុងបន្ទប់សាលាបឋមសិក្សាវត្តគ្រួស ស្ថិតនៅក្នុងវត្ដជេសដ្ឋាឧត្តម ហៅវត្តគ្រួស ផ្លូវជាតិលេខ៥ ភូមិគ្រួស សង្កាត់សំរោង ខណ្ឌព្រែកព្នៅ»។
ហេតុការណ៍នេះបានកើតឡើងកាលពីវេលាម៉ោង០១និង២៧នាទីយប់អធ្រាត្រ ឈានចូលថ្ងៃទី២១ ខែឧសភា។
ជនសង្ស័យពីរនាក់ ឈ្មោះ ទៀន ផារ៉ែត ភេទប្រុស អាយុ១៥ឆ្នាំ និងឈ្មោះ បូ ឧត្តម ភេទប្រុស អាយុ១៦ឆ្នាំ ត្រូវបានឃាត់ខ្លួនពីបទរួមគំនិតសម្លាប់។
មន្ដ្រីអង្គភាពការពារកុមារ (CPU) បានធ្វើកោសល្យវិច័យនៅគោលដៅឃាតកម្ម។ រូបថត CPU
បច្ចុប្បន្នជនសង្ស័យខាងលើកម្លាំងជំនាញអធិការដ្ឋានកំពុងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធីច្បាប់។
អង្គភាពការពារកុមារ (CPU) គឺជាផ្នែកឯកទេសមួយដែលត្រូវបានបង្កើតឡើងតាមរយៈភាពជាដៃគូរវាងនគរបាលជាតិកម្ពុជា និងមូលនិធិកុមារកម្ពុជា។
ចាប់តាំងពីការបង្កើតឡើងក្នុងឆ្នាំ ២០១៣ មក CPU បានធ្វើការរួមជាមួយនឹងការអនុវត្តច្បាប់ ដើម្បីស៊ើបអង្កេតឧក្រិដ្ឋកម្មធ្ងន់ធ្ងរប្រឆាំងនឹងកុមារ រួមទាំងការរំលោភ និងឃាតកម្ម ដោយផ្តល់ការគាំទ្រផ្នែកកោសល្យវិច្ច័យពីអ្នកជំនាញ ក្រុមឆ្លើយតបរហ័ស និងជំនួយជនរងគ្រោះ៕
