នៅទិវាបុណ្យជាតិជប៉ុន ក្រុមហ៊ុន ជេធី អ៊ិនធើណេសិនណល ឯ.ក (ហៅកាត់ថា ជេធីអាយ) បានលេចធ្លោជាគំរូនៃឧត្តមភាពសាជីវកម្មជប៉ុននៅក្នុងព្រះរាជាណាចក្រកម្ពុជា។ ក្នុងនាមជាសមាជិកនៃជេធី គ្រុប ដ៏មានកិត្យានុភាពរបស់ប្រទេសជប៉ុន ក្រុមហ៊ុន ជេធីអាយ បានការទទួលស្គាល់ចំពោះការអនុវត្តអាជីវកម្មប្រកបដោយក្រមសីលធម៌ និងការរួមចំណែកផ្នែកសេដ្ឋកិច្ចសំខាន់ៗ។
ជាមួយនឹងការទទួលបានអនុលោមភាពសារពើពន្ធប្រភេទមាសសម្រាប់ឆ្នាំ ២០២២ និង ២០២៣ ពីរាជរដ្ឋាភិបាលកម្ពុជា និងការទទួលស្គាល់ជាសហគ្រាសមួយដែលបានបង់ពន្ធច្រើនជាងគេមួយនៅឆ្នាំ ២០២២ ពីអតីតនាយករដ្ឋមន្ត្រី សម្តេចតេជោ ហ៊ុន សែន ក្រុមហ៊ុន ជេធីអាយ បានកំណត់តាមស្តង់ដាខ្ពស់ក្នុងអនុលោមភាពសារពើពន្ធ និងចូលរួមចំណែកយ៉ាងសំខាន់ក្នុងគោលនយោបាយសារពើពន្ធនៃព្រះរាជាណាចក្រកម្ពុជា។
ការប្តេជ្ញាចិត្តយ៉ាងមុតមាំរបស់ក្រុមហ៊ុន ជេធីអាយ ចំពោះសុខុមាលភាពនិយោជិតក៏ជាភ័ស្តុតាងមួយផងដែរតាមរយៈវិញ្ញាបនបត្រនិយោជកឆ្នើមចំនួន ៤ ជាប់ៗគ្នានៅក្នុងព្រះរាជាណាចក្រកម្ពុជា ដែលក្រុមហ៊ុនបានផ្តល់អត្ថប្រយោជន៍ល្អៗ និងគំនិតផ្តួចផ្តើម ថ្មីៗដូចជា របៀបថ្មីនៃការធ្វើការងារ (NWOW) ដែលផ្តល់ភាពបត់បែនចំពោះកន្លែងធ្វើការ។ លើសពីនេះ សមភាពយេនឌ័រ និងការគាំទ្រគ្រួសារត្រូវបានឆ្លុះបញ្ចាំងក្នុងគោលនយោបាយឈប់សម្រាកលក្ខណៈគ្រួសារជាសកល ដែលផ្តល់ការឈប់សម្រាកដល់ឪពុកម្តាយរយៈពេល ៥ ខែ ជាមួយនឹងប្រាក់ខែគោលពេញលេញសម្រាប់បុគ្គលិកគ្រប់ភេទ។
លើសពីអាជីវកម្មដែលខ្លួនមានក្រុមហ៊ុន ជេធីអាយ ក៏បានសម្រេចគម្រោង ជួយសហគមន៍មួយចំនួន ដែលផ្តោតលើការអភិរក្សបរិស្ថាន ភាពចម្រុះ សមធម៌ និងការដាក់បញ្ចូល និងភាពធន់ក្នុងសហគមន៍។
ក្រុមហ៊ុន ជេធីអាយ បង្ហាញពីការប្ដេជ្ញាចិត្តចំពោះនិរន្តរភាពបរិស្ថាន រួមមានដូចជា ការកាត់បន្ថយដានកាបូនជាសកលរបស់ខ្លួន និងការអនុវត្តគម្រោងក្នុងស្រុកនានា ដូចជាការដាំដើមកោងកាងក្នុងខេត្តកំពត។ តាមរយៈគម្រោងបំភ្លឺសហគមន៍ឆ្នាំ ២០២៣ ក្រុមហ៊ុនបានដំឡើងអំពូលសូឡាចំនួន ១ ២០០ នៅលើផ្លូវសាធារណៈក្នុងខេត្តកំពង់ចាម រតនគិរី ព្រៃវែង កោះកុង កំពង់ស្ពឺ និងខេត្តបាត់ដំបង។
តាមរយៈការសហការជាមួយអង្គការមិនរកប្រាក់ចំណេញ ក្រុមហ៊ុន ជេធីអាយ បានជ្រោមជ្រែងគម្រោងដើម្បីបង្កើនភាពធន់ក្នុងសហគមន៍ និងការអភិវឌ្ឍប្រកបដោយនិរន្តរភាព ដូចទៅនឹងគុណតម្លៃសុចរិតភាពរបស់ជប៉ុន។
កាលពីឆ្នាំមុន ក្រុមហ៊ុនបានចាប់ដៃគូជាមួយអង្គការសម្ព័ន្ធសត្វព្រៃ Wildlife Alliance ដើម្បីដំឡើងអណ្តូងទឹកប្រើពន្លឺព្រះអាទិត្យចំនួន ៨ នៅខេត្តកោះកុង និងបានសហការជាមួយអង្គការ Planet Water Foundation ដើម្បីដំឡើងប៉មទឹកចំនួន ៤ នៅខេត្តកំពង់ចាម ព្រះសីហនុ និងខេត្តសៀមរាប ដែលផ្តល់អត្ថប្រយោជន៍ដល់ប្រជាពលរដ្ឋជាង ៣១ ០០០ នាក់ នៅក្នុងទីតាំងទាំងនេះ។
ក្នុងទិវាបុណ្យជាតិជប៉ុននេះ ក្រុមហ៊ុន ជេធីអាយ បញ្ជាក់ជាថ្មីនូវការលះបង់របស់ខ្លួនក្នុងការចូលរួមចំណែកដល់វឌ្ឍនភាពសេដ្ឋកិច្ចសង្គមរបស់ប្រទេសកម្ពុជា ខណៈដែលប្រកាន់គោលការណ៍សុចរិតភាព និងវិបុលភាពគ្នាទៅវិញទៅមករបស់ជប៉ុន៕
សម្រាប់ព័ត៌មានបន្ថែមអំពី JTI Cambodia និងគំនិតផ្តួចផ្តើមរបស់ខ្លួន សូមចូលទៅកាន់គេហទំព័រ www.jti.com និង www.facebook.com/JTICambodia
