ទេសភាពពីលើ «ភ្នំម្រេចកង្កែប» ក្នុងសហគមន៍អេកូទេសចរណ៍តំបន់ស្ទឹងអារ៉ែង ស្ថិតក្នុងស្រុកថ្មបាំង ខេត្តកោះកុង។ «ភ្នំម្រេចកង្កែប» ដែលត្រូវបានគេស្គាល់ថាជា «ឋានសួគ៌អារ៉ែង» មានចម្ងាយជាង៣គីឡូម៉ែត្រ ពីជើងភ្នំ រហូតដល់កំពូលភ្នំ។ អ្នកទេសចរអាចធ្វើដំណើរដោយថ្មើរជើង ឡើងទៅលើកំពូលភ្នំនេះ ដើម្បីគយគន់ទេសភាពខៀវស្រងាត់ ដ៏ស្រស់ត្រកាល អមដោយពពកសលើកំពូលភ្នំ និងសំលេងសត្វយំឆ្លើយឆ្លងគ្នា នាពេលព្រឹកព្រលឹម។
